17 наурыз күні сағат 11-30-да Мұстафин кенттік кітапханасында БЖАК студенттері, мұғалімдері арасында 17 наурыз — «Мәдениет және ұлттық салт-дәстүр» күніне орай кітапхананың коворкинг залында қазақ халқының салт дәстүрінің бірі “Бесікке салу” салтын көрсетумен қатар тақырыпқа сай викторина өтті. Мақсаты: қазақ халқының салт-дәстүрін дәріптеу; жастардың дәстүрден хабары болуына ықпал жасау; салт-дәстүрді сыйлауға, оны ары қарай дамытуға баулу.“Бесікке салу” рәсімін кентіміздің тұрғыны кітапханамыздың оқырманы “Алтын алқа” иегері, көп балалы ана Болсынханқызы Сұңқар көрсетіп, айтып, жастарға түсіндіріп өтті. Баланы бесікке салып, бесіктің барлық жабдықтарын атап көрсетті, сонымен қатар салт-дәстүріміз бойынша “тыштыма-тыштыма” дәстүрін де өткізіп, отырған көрермендерге бесіктің түбегінен өткізілген тәтті конфеттер үлестірді.
