Шыныбектегі Қалиасқар Мықтыбайұлы (27.02.1965 ж.т.) – журналист, ақын, әнші-күйші, сазгер. Алабас ауылының тумасы. Ауылдағы орта мектепте оқыған (1972-1982). Отан алдындағы борышын өтеп, әскер қатарында болған (1983-1985). Қарағанды қаласындағы Тәттімбет атындағы саз колледжінің контрабас, домбыра аспаптары сыныбын тәмамдаған(1985-1989). 1999 жылы Қарағанды мемлекеттік университетінің филология факультетін бітірген. Аудандық №1 орта мектебінде қазақ тілі мен әдебиет пәнінің мұғалімі. Бірнеше жыл аудандық «Сарыарқа» газетінде тілші болған, бүгін де штаттан тыс тілші. Ұстаздық қызметпен қатар, өнер өркесінде өрлеп, шығармашылықпен айналысып жүрген дарынды жан. Танымал ақындардың өлеңдеріне әсем әуен жазып, «Үкілім-ай, балым-ай», «Таңданба», «Қариялар-дариялар» әндерімен танылып жүрген тамаша сазгер. 50-ден аса әндер мен 10-ға тарта күйлердің, 10-15 шақты әңгіме-новеллалардың авторы. Кейінгі кездерде поэзияда да бағын сынап жүрген қарымды қаламгерлеріміздің бірі.
Шыныбе
ктегі Қ. Ботақара — ием, Бұқар жырау — кием: Өлендер, әндер, күйлер, мақалалар мен новеллалар.-Қарағанды:Баспа-197б.
Қаламгер, ақын, композитор, журналист, ұстаз Қ.Шыныбектегінің әр жылдары жазылған өлең-әндері, күйлері, мақала, новеллалары орын алған жинақтын оқырман қауымға берері мол.
Шығармалары ел, жер, тіл,жастық, махаббат тақырыптарын қаузайды. Жинақ сондай-ақ жас ұрпақты туған жерді сүюге, нағыз патриот болуға үндейді.
Қалиасқар ШЫНЫБЕКТЕГІ, «Арқаның әншілік мектебі (Қарағанды өңірі)». — Қарағанды «Мағжан», 2018-148б.
Ән арқылы қазақ халқы өзінің мұңын, арманын, барлық ішкі сезімдерін білдірген. Екі ішекті домбыраны қолға алып, сыршыл пернелерінен сырлы да сазды әуен төгілдірген Арқа әншілері туралы жазылған бұл кітап көпшіліктің қызығушылығын тудырары сөзсіз.
Сал-серілік өнердің басында Бұқар жырау тұрған, оның ішінде Қарағанды өңірінің орны ерекше.
Жырау мақам-сазы кейін адуынды әнге айналған деп ұғамыз. Бұқар жырау Қалқаманұлының 350 жылдығына орай шығарылып жатқан бұл кітап осы мерейтойдың ажарын аша түседі деп сенеміз.
Кітап көпшілік оқырманға арналған.