Тақырова Аймангүл Төлеуханқызы (28.08.1959 ж.т.) – кітапханашы, «Мәдениет қайраткері» (2008). Керней ауылының тумасы. Қарағанды мәдени-ағарту училищесін (1980), «Болашақ» маңызды білім беру институтын (2007) бітірген. Ульянов аудандық кітапханасының аға әдіскері (1980-1982), әдістемелік және библиографиялық жұмыстары бөлімінің меңгерушісі, аға әдіскер (1982-2001), Бұқар жырау аудандық орталықтандырылған кітапханалар жүйесінің директоры (2001 жылдан бастап). Бірнеше рет аудандық Мәслихаттың депутаты болып сайланған. «Ең үздік аудандық кітапханашы» номинациясы бойынша облыс әкімі сыйлығының иегері (2001).